Laerskole Witpoort en Rayton se hokkiedogters speel gelykop

Twee dogtershokkiespanne van Laerskool Witpoort en Laerskool Rayton het mekaar die stryd aangesê.

Die 0/11- en 0/13-spanne van Laerskool Witpoort en Laerskool Rayton het op Donderdag, 11 Augustus met mekaar meegeding.

Beide spanne het aan die einde van hulle wedstryde gelykop geëindig met die 0/11’s wat geen doele kon aanteken nie en die eindtelling was 0 –0.

Die 0/13-spanne het elk twee doele aangeteken en die eindtelling was 2–2.

“Ons wens ons hokkiedogters baie geluk,” het Bernice van Staden, bemarker by Laerskool Witpoort, laat hoor.