Stallions en Brumbies van Standerton se buurskool is wenners
Die O/19 Stallions het 12-12 geëindig en het die trofee met Hoërskool Magalies gedeel.
Drie van Morgenzon Landbou Akademie se rugbyspanne het na die Noordvaal-eindstryd deurgedring.
Die 0/17- en 0/19-span het die Mpumalanga-kompetisie vir kleinskole gewen, terwyl die 0/15-span naaswenners was en hul in die eindstryd meegeding het.
Die halfeindstryd is teen die 0/19’s van Hendrina gespeel en die 0/15’s en 0/17’s het teen Rhodesfield te staan gekom.
Tydens die eindstryd op Hoërskool Suiderberg se veld, het die 0/15-span en 0/17-span teen Westonaria meegeding en die 0/19-span teen Hoërskool Magalies.
Die 0/19 Stallions het 12-12 geëindig en het die trofee met Hoërskool Magalies gedeel.
Die 0/15 Brumbies het die eindstryd 33-17 gewen, maar die 0/17-span moes die knie buig en het dus tweede in die Noordvaal-afdeling 5A geëindig.
Die puntemakers in die onderskeie wedstryde was: 0/17 Mustangs AJ Willemse, strafdoel, 0/15 Brumbies PJ Kirsten twee drieë, Wynand Cronjé twee drieë, Wihan van der Merwe een drie, Tiaan Strydom, vier doelskoppe en by die 0/19-Stallions Ettienne van Eeden een drie, Mthokozisi Nkonyane een drie en Ruan Lombard, een doelskop.
