Ek verwys na die artikel in die Standerton Advertiser van 10 Julie wat handel oor Kasselman Veiligheidsdienste wat die strate op ons dorp skoonmaak.
Ek wil hulle graag bedank vir dit wat hulle vir ons dorp doen en beteken.
Dit word nie aldag waardeer soos dit moet nie.
Baie, baie dankie.
Ek deel graag ook die volgende met julle.
Ons was onlangs met vakansie in die Wildekus.
Koffiebaai het die allerpragtigste natuurskoon en pragtige wit strande, maar is in die hartjie van ’n baie arm woonbuurt geleë.
Weens die sterk kontras tussen luuksheid en armoede baie na aanmekaar, is die hotel met mure en ’n veiligheidshek beveilig, met ’n wag 24 uur aan diens.
Toe ons klein seuntjie op ’n stadium met sy fiets buite die hotelgrond wou gaan ry, het ek dadelik geweier en hom van die gevaar vertel.
Heel kinderlik het hy my verseker dat Kasselman aan diens by die hek is en dat hulle mooi na hom sal kyk.
Kon nie help om by myself te lag nie.
Sarita Bekker, Standerton.
Besoek gerus ons ander webtuistes hier:
Ridge Times, Standerton Advertiser & Highvelder
”Like” ons Facebookblad en volg ons op Twitter.
Vir nuus wat na jou selfoon gestuur word:
BBM – 266F5BCC
WhatsApp – 0748872805
