Baie dankie Kasselman

Dit is geen geheim dat Kasselman Veiligheidsdienste ’n uitstekende diens lewer nie, julle is verseker staatmakers.

Donderdagaand was my verloofde alleen by die huis terwyl ek in Johannesburg op ’n kursus was.

Sy was vreesbevange toe ’n paar kwaaddoeners in ons kompleks oproerig begin raak het.

Dit was nie lank voordat hulle aan die deur begin hamer het nie.

Sy het dadelik Kasselman in kennis gestel en binne etlike minute was daar ’n reaksie-offisier op die toneel.

Jandré en sy meisie, Nicolene, het daarna aangebied dat my verloofde die aand by hulle deurbring.

Jul goedhartigheid sal my bybly.

Dankbare inwoner.