Standerton Buiteklub hou Paartjies Gholfdag
Bring jou meisie, vriendin of vrou saam om jou setwerk (putting) te doen om sodoende haar putt-putt vaardighede op ’n regte gholfbaan ten toon te stel.
Standerton Buiteklub speel op 15 Mei gasheer vir ’n Paartjies Gholfdag.
Die reëlings is soos volg:
Bring jou meisie, vriendin of vrou saam om jou setwerk (putting) te doen om sodoende haar putt-putt vaardighede op ’n regte gholfbaan ten toon te stel.
Die manne dryf van elke bof tot naby of op die setperk waarvan die meisie dan die setwerk sal behartig.
Dit is ’n vierbal, “medal”- formaat wat maksimum drie houe oor baansyfer mag gaan.
Gholfbaanreëls sal ten alle tye geld.
Indien jy nie ’n vriendin kan kry om saam te speel nie, skakel gerus die gholfklub vir alternatiewe reëlings.
Inskrywingskoste beloop R100 per paartjie.
• Mans kleredrag: kort/ langbroek met gholfhemp en tekkies/gholfskoene.
• Vroue kleredrag: kort/ langbroek/ rompies met gholfhemp en tekkies/gholfskoene.
Spelers slaan omstreeks 12vm van bofnommer 10 af.
Geen voorafbespreking sal aanvaar word nie.
Daar gaan ook pryse vir die eerste tot derde plek wees.
Die prysuitdeling sal omstreeks 5nm plaasvind.
’n Braai is ook gereël na afloop van die prysuitdeling.
Die vuur sal 3nm aangesteek word vir worsbraai vir worsbroodjies.
Broodrolletjies sal voorsien word, maar elke speler moet sy eie vleis verskaf.
Braaipakkies sal ook beskikbaar wees.
Drankies sal by die kroeg beskikbaar wees.
Geen koeldrank of drank wat nie by die kroeg gekoop is, sal op die perseel toegelaat word nie.
Vir meer inligting skakel gerus Johan Janse van Rensburg by 082 563 0322 of Quina Martin by 071 868 9404.
