Sasol-stoeiers wen by Mpumalanga-ligakampioenskap

Verskeie stoeiers van die Sasol Secunda Stoeiklub het op 18 Junie aan die Mpumalanga-ligakampioenskap deelgeneem en presteer.

July 6, 2016

Willemien Aukema 1 minute read

Voor is Berno Groenewald en Zack Manaia. In die tweede ry is Marnus Groenewald, Divan Smit, Steven Prinsloo en Jordan Webb. In die derde ry is Zandre Smit, De Wet Vosloo, Nathan Erasmus en Anru van Zyl. In die vierde ry is Chanell Manaia, Ethan Möhar, Nico van den Berg, Elma Webb en Johan van den Berg. Heel agter is Suzette Smit, Deon Smit, Nathan Webb, Morne Erasmus, Denise Möhar en Zaack Manaia.

SECUNDA – Verskeie stoeiers van Sasol Secunda Stoeiklub het op 18 Junie aan die Mpumalanga-ligakampioenskap op Middelburg deelgeneem en medaljes verwerf.

Nico van den Berg het die President- en Junior Vrystylafdelings, asook die Junior Grieks-Romeinse afdeling gewen en drie goue medaljes gekry.

Hy het tweede in die President Vrystylafdeling gekom wat aan hom ’n silwermedalje besorg het.

Nathan Webb het die President-, Kadet- en Junior Vrystylafdelings gewen, asook die President- en Kadet Grieks-Romeinse afdeling en het vyf goue medaljes ontvang.

Hy het tweede in die Junior Grieks-Romeinse afdeling geëindig en ’n silwermedalje gewen.Anru van Zyl het derde in die President Vrystylafdeling gekom en ’n bronsmedalje in die S0/13-Vrystylafdeling verwerf.

Elf van Sasol Stoeiklub se stoeiers het aan die langtermyn-ontwikkelingsafdelings deelgeneem.

Hulle is Rei van Niekerk, Zak Manaia, Hans Schutte, Steven de Beer, Divan Smit, Zandre Smit, De Wet Vosloo, Berno Groenewald, Marnus Groenewald, Nathan Erasmus, Ethan Möhr en Jordan Webb.

At Caxton, every story is written by humans. We use AI only to perform quality checks - never to generate the news. Happy reading!

July 6, 2016

Willemien Aukema 1 minute read