Hengelaars trek grotes aan wal tydens Pick ’n Pay Baber- en Karpfees
Hengelaars het verlede Saterdag by Grootdraaidam lyne natgemaak en hulle vaardighede ten toon gestel.
Morne Ludick en Ben van Deventer het die eerste plekke behaal vir onderskeidelik ‘n karp van 5,32kg en baber van 13,8kg by die Pick n Pay Baber- en Karpfees.
Hengelaars het verlede Saterdag by Grootdraaidam lyne natgemaak en hulle vaardighede ten toon gestel.
Schalk Pretorius se karp van 5,06kg het aan hom ‘n tweede plek besorg en Junior Naudé was derde met ‘n karp van 4,70kg.
By die babers het Myrna van Zyl tweede geëindig met ‘n baber van 12,14kg en Rick van Zyl derde met ‘n baber van 11,94kg. Pieter Eksteen was die juniorwenner met sy baber van 7,28kg.
Ben van Deventer se passie vir hengel het hy by sy pa geleer en hy beskou dit as ‘n groot seëning om vir die tweede keer die grootste baber te kon vang.
Sy pa se woorde bly hom by:
“Sometimes you win, sometimes you lose, just keep on trying.”
