Aldo Arnaldi beklink A-afdeling
Arnaldi het 'n netto van 66 aangeteken en Johann Janse van Rensburg 'n netto van 67.
Aldo Arnaldi het op Saterdag 3 Desember tydens die Standerton Advertiser se Maandelikse Beker by die Standerton Buiteklub die A-afdeling met ‘n gross van 73 beklink.
Arnaldi het ‘n netto van 66 aangeteken en Johann Janse van Rensburg ‘n netto van 67.
Louis Gravett het die B-afdeling met ‘n gross van 76 en ‘n netto van 64 ingepalm, terwyl Ronald Kinnear ‘n netto van 68 aangeteken het.
Jacques Scholtz het die C-afdeling met ‘n gross van 94 verower en ‘n netto van 75 aangeteken, gevolg deur Fanie Botha met ‘n netto van 81.
Kristin Nortjé het in die vroue- afdeling met ‘n gross van 103 geseëvier en ‘n netto van 81 aangeteken en Alma Tonkin was tweede met ‘n netto van 88.
Ruan Botha, Gerrit Coetzee, Jaco Sutherland, Ronald Kinnear (2) en Gerrit Nel het spog-twee’s behaal.
Casper Roux was naaste aan die pen op 2/11 en Gerrit Coetzee naaste aan die pen op 8/17.
Die boerpot is deur Louis Gravett, Ruan Botha en Johann Janse van Rensburg gedeel.
Ruan Botha het die Mystery Birdie gewen.
Die klub bied op 10 Desember ‘n IPS-kompetisie aan.
Vir navrae skakel die klubbestuurder, mnr. Wessel Maree, by 017 719 1123.
