SECUNDA – Lede van Secunda Stoeiklub het Laerskool Kruinpark in Mei besoek om stoei as sport te bevorder en bewusmaking te doen.
Die stoeiers het die leerders gewys hoe om te stoei en leerders het later ook ’n kans op die stoeimatte gekry.
Volgens me. Elma Webb van Secunda Stoeiklub, is Laerskool Kruinpark een van die skole wat ’n span vir die Mpumalanga Skole Stoeitoernooi wat op 21 Julie plaasvind, gaan inskryf.
Plaaslike stoeiers gaan op 9 Junie aan die Mpumalanga-stoeikampioenskap in Mbombela deelneem.
Volgens mnr. Johan van den Berg, afrigter by Secunda Stoeiklub, is stoei goed vir ’n mens omdat dit die liggaam ontwikkel, hand- en oogkoördinasie bevorder, balans en konsentrasie bevorder, help met probleemoplossing, selfvertroue en selfbeheersing bevorder, dissipline, selfrespek en respek vir ander kweek, karakter bou, goeie sportmanskap en kameraadskap bevorder, ’n gesonde lewenstyl en eetgewoontes bevorder, help met fiksheid, soepelheid en uithouvermoë, deursettingsvermoë bevorder en vaardighede in ander sportsoorte ontwikkel.
Secunda Stoeiklub oefen Maandae en Woensdae vanaf 6nm tot 8nm by die Sasol Ontspanningsklub.
Vir meer inligting, skakel me. Lollie van den Berg by 082 343 7800.
Lees ook: Sasol Stoeiklub verower 20 plekke uit 22 inskrywings
