TRICHARDT – Louwrens van Schaik was op 3 Junie die algehele wenner tydens Teksa Skietklub se skietkompetisie.
Hy het 590 punte aangeteken en 100 persent vir akkuraatheid gekry.
Martin van Zyl het algeheel tweede geëindig met 506 punte en 85 persent akkuraatheid.
Abrie Preller het derde geëindig met 502 punte en 85 persent akkuraatheid, Jan Strydom was vierde met 501 punte en 84 persent akkuraatheid en Arno Theron het vyfde geëindig met 462 punte en 78 persent akkuraatheid.
Van Schaik het ook die kleingeweerafdeling gewen met 625 punte en 100 persent akkuraatheid.
Mark Kruger het tweede geëindig met 408 punte en 65 persent akkuraatheid.
Is Mitton het die ope-afdeling van die kleingeweerafdeling gewen met 625 punte en 100 persent akkuraatheid.
In die produksie-afdeling van die kleingeweerafdeling, het Jan Strydom gewen met 587 punte en 100 persent akkuraatheid.
Abrie Preller het tweede in dié afdeling geëindig met 580 punte en 98 persent akkuraatheid, Arno Theron was derde met 536 punte en 91 persent akkuraatheid, Willie Coetzee was vierde met 392 punte en 66 persent akkuraatheid en Eugene Meyer was vyfde met 326 punte en 55 persent akkuraatheid.
Van Schaik het al ses vlakke van die kompetisie gewen. Mark Kruger was tweede in al ses vlakke.
Is Mitton het in al ses vlakke eerste geëindig in die ope-afdeling en Abrie Preller het vlakke 1, 4 en 5 gewen, terwyl Jan Strydom vlakke 2, 3 en 6 gewen het.
Martin van Zyl het die standaardafdeling se vlakke 1,2, 3, 4,5 en 6 gewen.
