Skuts ding mee in Mpumalanga-skietkampioenskap
Pieter Bouwer was die beste skut in die ope-afdeling en het 819 punte aangeteken terwyl Kenny van der Merwe tweede geëindig het en 739 punte aangeteken het.
TRICHARDT – Skuts het op Saterdag, 1 Februarie hul vaardighede by die eerste liga van die Mpumalanga-skietkampioenskap wat by die Teks Skietklub gehou is, getoets.
Pieter Bouwer was die beste skut in die ope-afdeling en het 819 punte aangeteken terwyl Kenny van der Merwe tweede geëindig het en 739 punte aangeteken het.
Hendrik Engelbrecht het derde geëindig en 679 punte aangeteken terwyl Leroy Barter vierde was en 622 punte behaal het en Ronel Barter vyfde en 571 punte behaal het.
In die produksie-afdeling was Gideon Botha die beste skut en het 735 punte aangeteken terwyl Vincent Mortlock tweede geëindig het en 733 punte aangeteken het.
Ruan van Heerden het derde geëindig en 700 punte behaal en Hilfred Siebrits het vierde geëindig en 671 punte behaal.
Wilhelm Heyl het vyfde geëindig en 659 punte behaal.
In die optiese produksie-afdeling het Jean Engelbrecht die beste geskiet en 832 punte behaal terwyl Riaan Weideman tweede geëindig het en 578 punte behaal het en Adre Weideman derde geëindig het en 415 punte behaal het.
JC Potgieter was die beste skut in die standaard-afdeling en het 812 punte aangeteken terwyl Paul Loock tweede geëindig het en 697 punte aangeteken het.
Justin Peacock het derde geëindig met 666 punte, Jean Greeff vierde met 656 punte en Johannes van Biljon vyfde met 619 punte.
