Standerton Trapklub hou klub se naam hoog

Standerton Trapklub het op Saterdag 3 Oktober aan die MTB Challenge by Henbase Lodge deelgeneem en welslae behaal.

Deelnemers het by dié sosiale bergfietsrit in drie afdelings naamlik 50km, 35km en 10km meegeding.

Nadia Stückler het die ander vroue in die 50km geklop en eerste geëindig.

Nicoline Smith het in die 35km die eerste plek behaal, terwyl John-James Sauer in die 35km tweede geëindig het.

Die gelukkige trekking het niks minder as ‘n fiets gehad, wat gewen kon word nie.