Vroue geniet ‘modderbad’ by Warrior Princess op Secunda
Laerskool Goedehoop bied jaarlikse geleentheid aan.
SECUNDA – Vroue het hul staal gewys op Saterdag, 14 November by Laerskool Goedehoop se Warrior Princess-geleentheid wat by Kamp Oase by Lake Umuzi aangebied is.
Dié kragmeting is ‘n jaarlikse instelling en vanjaar het altesaam 73 spanne wat uit 500 vroue bestaan het, deelgeneem.
Weens die Covid-19-regulasies, kon Goedehoop nie meer spanne toelaat nie.
Die hoofborg vir die dag was Kamp Oase en Lake Umuzi wat aan mnr. Johan Rosslee behoort.
Geen wenners is aangewys nie, want die vroue het dit vir spanbou en vir die prêt gedoen.
Van die ander borge was Grip & Rip Crossfit, Applesoft, Langamed South-nooddienste, Sanitech, Radio Kragbron, Munnik & Rosslee Konstruksie, Kijima Konstruksie, Lesedi Staffing and Training Centre, De Stroom Gastehuis, Noma Kanjani Projects, Stealth Construction en SGB-Cape.
