Mnr Eddie Daniel, die Ermelo Gholfklub se baanopsigter is nou ook die nuwe gholfafrigter by Hoërskool Ermelo.

Mnr Daniel is welbekend in Suid-Afrika se gholfkringe as ’n gholfspeler wat die meeste opetoernooie as amateur gewen het.

Dié veteraan-gholfspeler het op die ouderdom van 15 begin gholf speel, terwyl hy saam met ‘n vriend op vakansie in Phalaborwa was.

Die twee vriende het vir die junior-toernooi ingeskryf, en nadat Daniel stof in die ander spelers se oë geswaai het en as die wenner weggestap het, het hy sy liefde vir gholf ontdek.

Hy onthou nog sy eerste gholfstel was ’n stel Sunlines.

Daniel se hoogtepunte in sy gholfloopbaan is toe hy in 2002 koning gekraai in die Kenia Ope, en toe sy seun Garry Daniel saam met hom gekies is vir Suid-Afrikaanse span om teen Botswana te speel.

“EHS is bevoorreg om hom in EHS se midde te hê en sien uit na die suksesse wat op EHS-gholf wag,” het me. Mariaan Rust, EHS-woordvoerder gesê.