Secunda-atlete verwerf plekke op Suid-Afrikaanse ranglys
Suid-Afrikaanse Atletiekkampioenskap vind later vanjaar in die Paarl plaas.
SECUNDA – Altesaam ses atlete van die Speedsters, ‘n plaaslike atletiekgroep op Secunda, is onder die top atlete op die Suid-Afrikaanse Atletiek ranglys wat deur die Suid-Afrikaanse Skolesport Sterre opgestel is.
Dié ranglys is opgestel volgens atlete se tye en prestasies by atletiekbyeenkoms wat verlede jaar plaasgevind het voordat die inperking begin het.
Die Suid-Afrikaanse Atletiekkampioenskap kon verlede jaar nie plaasvind nie weens die inperking.
Dié atlete is Tiyana Beukes (tweede in verspring vir D0/11), Tiaan de la Rey (negende in 100m hekkies), Thlonofantso Moloshane (agtste in 80m hekkies vir S0/13), Andrea de Wet (10de in verspring vir S0/12), Jessica van Rooyen (10de in verspring vir D0/11) en Matsidiso Makgato (eerste in 75m hekkies, derde in 100m en sesde in verspring vir D0/13).
Die Suid-Afrikaanse Atletiekkampioenskap vind later vanjaar in die Paarl plaas.
