Spelers gee mekaar opdraande by Standerton Buiteklub
Die gebruiklike nege-putjie- en 18-putjie-kragmeting op Woensdag 13 Oktober in IPS-formaat het wenners van die twee geslagte opgelewer.
Standerton Buiteklub se gholfbedrywighede gaan volstoom voort.
Gert du Preez het op Saterdag 16 Oktober met 37 punte in ’n IPS-kompetisie geseëvier, met Nico Lombard wat in die tweede plek, ook met 37, ingeskuif het.
Sowel Wian Starbuck as Joré Nortjé het 36 punte aangeteken, gevolg deur Gerrit Nel en Johann van Rensburg, albei met 35.
Francois Cronjé, Rikus White en Ronald Kinnear het elk 34 op die telkaart ingevul, gevolg deur Herman Mynhardt met 33.
Die gebruiklike nege-putjie- en 18-putjie-kragmeting op Woensdag 13 Oktober in IPS-formaat het wenners van die twee geslagte opgelewer.
Patrizia Lombard het met 21 punte in eersgenoemde wedywering geseëvier, gevolg deur Johann van Rensburg met 18 punte.
Gerrit Nel het die derde plek met 17 behaal, terwyl Deon Grimsell en Donnie Taljaard albei 15 punte aangeteken het, met Freddie Welmans op 10.
Gert du Preez was onoorwonne in die tweede kragmeting met 37 punte, terwyl Riaan Starbuck ook 37 behaal het.
Ronald Kinnear het 36 op die telkaart ingevul, gevolg deur Nico Lombard en Louis Gravett, albei met 35 punte.
Die drietal van Wessel van der Merwe, Daan Naudé en Tertius Brits het elk 34 punte aangeteken, terwyl Janneman Kotze 33 en Attie Mouton 32 punte aangetekn het.
