Attie van der Westhuizen stap met louere weg by kompetisie op Standerton
Jannie Nichols het tweede met ’n netto van 72 geëindig, gevolg deur Gert du Preez met 74 en Andrew Harper met 76.
Attie van der Westhuizen het op Saterdag 4 Desember skoonskip in die A-afdeling van die ‘Medal’-kompetisie gemaak met ’n netto van 70.
Altesaam 21 spelers het by die Standerton Buiteklub meegeding.
Jannie Nichols het tweede met ’n netto van 72 geëindig, gevolg deur Gert du Preez met 74 en Andrew Harper met 76.
Nichols en Du Preez het albei ’n spog-twee behaal.
Ronald Kinnear het 79 aangeteken, terwyl Joré Nortjé 82 en Gerrit Coetzee 84 op die telkaart ingevul het.
Louis Gravett het in die B-afdeling met ’n netto van 75 geseëvier, gevolg deur Nico Lombard met 76.
Wessel van der Merwe en Johann van Rensburg het albei 77 aangeteken, gevolg deur Wian Starbuck met 78.
Aldo Arnaldi het 86 aangeteken, terwyl Johan Brink 88 en Jacques Smith 100 behaal het.
Arnaldi het ’n spog-twee behaal.
Mark Nortjé was onoorwonne in die C-afdeling met ’n netto van 72, gevolg deur Nick Momberg met 75 en Frans Cronjé met 77.
Fanie Botha het met 79 geëindig, terwyl Gerrit Nel 80 en JC Schambriel 81 aangeteken het.
