Griesel en Brits hou Standerton se gholf op Woensdag lewendig
Griesel het 18 punte aangeteken en Brits 43.
Gholfspelers skrik nie vir dreigende onweerswolke en het op Saterdag 29 Januarie by die Standerton Buiteklub voortgegaan om hul vaardighede op te skerp.
Hulle het ook oudergewoonte op Woensdag 26 Januarie aan ’n nege-putjie- en 18-putjie-kompetisie deelgeneem, waar Johan Griesel en Gerhard Brits onderskeidelik septer geswaai het.
Griesel het 18 punte aangeteken en Brits 43.
By die eerste kragmeting het Deon Grimsell, Aldo Arnaldi en Gerrit Nel elk 17 punte op die telkaart ingevul, gevolg deur Donnie Taljaard met 16.
Nick Momberg het 12 punte behaal, terwyl Willie Griesel met 11 en Freddie Welmans met 9 geëindig het.
By die tweede kragmeting het Wessel van der Merwe en Joré Nortjé elk 36 aangeteken, gevolg deur Kobie Coetzee en Gerrit Coetzee, albei met 35.
Herman Mynhardt, Gert du Preez, Attiie Mouton en Jacques Scholtz het 34 op die telkaaart ingevul, gevolg deur Pieter Bester met 32.
