Sonop-manne doen aan op Standerton
Dit het ’n Sonop-tradisie geword om elke tweede jaar 'n fietstoer vir liefdadigheid te reël.
Altesaam 38 studente van Sonop Christelike Tehuis by die Universiteit van Pretoria het op Woensdag, 13 April by die Tower-sentrum op Standerton byeengekom.
Hulle het op 12 April met die Sonop Drommedaris Fietstoer vertrek waar sowat 660km afgelê is om geld namens ’n kinderfonds in te samel.
Die studente het per fiets na Heidelberg, Standerton, Volksrust, Vryheid, Nongoma en St. Lucia gery.
Hoërskool Standerton het die Woensdagaand gasheer vir die studente gespeel.
Studente was van voorneme om te blikskud by die sentrum en ’n snapscan-kode was byderhand vir mense wat so wou skenk.
Dit het ’n Sonop-tradisie geword om elke tweede jaar ‘n fietstoer vir liefdadigheid te reël.
Die vorige toer na Ballito het in 2019 plaasgevind.
Daar was ook ’n tandemfiets genaamd die ’Drom-fiets’ wat elke kilometer van die toer moes ry.
