Nel en Bornman is Standerton Rolbalklub se kampioene

Rolbalspelers van Standerton het onlangs ’n klubkompetisie gehou.

Dié kompetisie is in ’n Round Robin-formaat beslis, waar die vroue slegs met drie spelers en die mans met vyf meegeding het.

Die vroue het elk twee wedstryde gespeel en aldrie het een gewen.

Betsie Bornman het op ’n punteverskil as wenner uit die stryd getree, gevolg deur Annatjie de Bruto en Salomé Visser.

Standerton Rolbalklub se enkelspel-manswenner was Lanie Nel, wat al sy wedstryde gewen het.

Desmond Visser was in die tweede plek en Marco Oelofsen derde.