Local sportSport

Ruiters van Standerton behaal spogprestasies by nasionale kampioenskap

Klara van der Linde het ook die Madre Brandt-wisseltrofee vir Ruiterkuns 0/10 in ontvangs geneem.

Jong ruiters van Standerton het einde April aan die Nasionale Saalperdkampioenskap in Bloemfontein deelgeneem en uitnemend presteer.

Klara van der Linde, Dané van der Linde, Marli van Heerden, Henro Kotze, Sonell Kotze, FJ Lotz, Elrie Lotz, André Lotz, Danje Pretorius, Clara Bossen en Izeldri Holder het meegeding.

Volgens inligting, word dié kampioenskap beskou as die grootste buitelug saalperdkampioenskap van sy soort, met meer as 800 perde wat te siene was.

Klara het met Beau Above en Beyond eerste geëindig in Kampioen Stap/Draf Natuurlike Maanhare en Stert Ruiters 10 jaar en onder, Kampioen Stap/Draf Natuurlike Maanhaar en Stert Ruiterkuns 10 jaar en onder, Kampioen Stap/Draf Ruiters 10 jaar en onder, Kampioen Stap/Draf Ruiters 10 jaar en Ruiterkuns.

Sy het ook die Madre Brandt-wisseltrofee vir Ruiterkuns 0/10 in ontvangs geneem.

Met die ander perd, Studcor St Andre, is die sewende plek in Stap/Draf alle ouderdomme behaal, die vyfde plek in Stap/Draf Plesierperd Ruiters 10 jaar en onder, die vierde plek in Western Plesierperd Stap/Draf alle ouderdomme, asook die vierde plek in Stap/Draf Plesierperd Ruiters 10 jaar en onder Ruiterkuns.

Dané van der Linde het met French Royalty en Gentleman Jack gery.

Op die rug van French Royalty het sy vierde in Driegang Kinderryperd 0/12 Ruiterkuns, sesde in Driegang Parkperd Ryperd 0/12 Ruiters en vierde in Driegang Groot Kampioen Kinder Parkperd Ruiters 0/14 geëindig.

Met Gentleman Jack het sy die eerste plek behaal in Western Plesierperd, die derde plek in Kampioen Show Hack en die derde plek in Country Pleasure Driegang.

Dané het die algehele Country Pleasure-afdeling met Gentleman Jack gewen.

Marli het ’n tweede plek op die rug van Madron Star Strike in Western Plesierperd Stap/Draf behaal en ’n vyfde plek op die rug van Time’s Princess in Kampioen Plesierperd Stap/Draf Ruiters 10 jaar en onder.

Henro en Sonell het met Gold I’m Told gery, waar Henro derde in Kampioen Vyfgang Ruiterkuns Ruiters 14 jaar en onder, vyfde in Kampioen Driegang Kkinderryperd Ruiters 12 jaar en onder en sewende in Kampioen Driegang Ruiterkuns Ruiters 12 jaar en onder geëindig het.

Henro is ook die wenner van Vyfgang Kinderryperd SA Kampioen Ruiters 14 jaar en onder en Driegang Ruiters 12 jaar en onder.

Sonell het die derde plek behaal in Kinderryperd Ruiters 7 jaar en onder en vyfde plek in Ruiterkuns Kinderryperd 7 jaar en onder.

Elrie het op die rug van Angel Eye in die Stap/Draf Ruiters Parkperd 0/10-afdeling, asook die Stap/Draf Ruiterkuns 0/10-afdeling twee derde plekke behaal.

Sy het in die Ruiters Stap/Draf 0/10 Natuurlike Maanhare en Stert, asook die Ruiterkunsafdeling onderskeidelik ’n tweede en derde plek behaal.

FJ het op die rug van Come C me in die 0/12 Driegang Ruiterkuns en Performance en 0/14 Driegang sy slag gewys, en ook met Don’t play with Guns in die 0/12 Vyfgang Kinderryperd en Vygang Kinderruiter 0/14.

Hy het een eerste plek behaal, een derde plek, twee vierde plekke, een vyfde plek en twee agtste plekke.

André het op die rug van Desert Emblim in die 0/8 Ruiters Stap/Draf, asook die Stap/Draf Plesierperd 0/8 afdeling met Tanzanite meegeding. Hy het twee derde plekke, een vyfde plek en een sesde plek behaal.

Danje het vyfde in Vyfgang Kampioen van Kampioene (Ruiterkuns) se liga geëindig en was ’n reserwe in Groot Kampioen Country Pleasure se liga.

Sy het ’n eerste plek behaal in Kampioen Show Hack, ’n derde plek in Kampioen Western Pleasure, ’n vierde plek in Kampioen Country Pleasure, ’n tweede plek in Kampioen Driegang Natuurlike Maanhaar en Stert, ’n vierde plek in Kampioen Vyfgang Natuurlike Maanhaar en Stert en ’n 10de plek met French Tokyo in die Futurity Weanling-klas.

Clara, die jongste ruiterjie, het op Emblim aan Kampioen Leiriemklas Ruiters 7 jaar en onder en Stap/Draf deelgeneem en ’n sesde en sewende plek behaal.

Izeldri het derde geëndig in Driegang Plesierperd Ruiterkuns onder 14 jaar en vyfde in Driegang Plesierperd Ruiters onder 14 jaar, sowel as vyfde in Vyfgang Ruiters onder 14 jaar en sesde in Vyfgang Kinderryperd Ruiters onder 14 jaar.

Al die ruiters is lid van Tonkin Biering Equestria waar Elra Tonkin Biering hulle afrig.

At Caxton, we employ humans to generate daily fresh news, not AI intervention. Happy reading!
Stay in the know. Download the Caxton Local News Network App here.

Related Articles

Back to top button