Suid-Afrika se ergste droogte in 20 jaar
Laai André se liedjie af en help om die droogte te beveg.
Suid Afrika ondervind tans een van die ergste droogtes en die ernstigste natuurramp van die afgelope 20 jaar.
Dit is ’n natuurlike ramp wat die landbougemeenskap behoorlik ruk.
Dit het ’n beduidende negatiewe ekonomiese impak op die volhoubaarheid van baie boere, sowel as plaaswerkers en hul families.
Die domino-effek het ook ’n direkte impak op die beskikbaarheid van korttermyn kos vir gemeenskappe.
“Weens die erns van die situasie, het ons besluit om by verskeie pogings betrokke te raak om alle mense te help,” het Omri van Zyl, hoofuitvoerende beampte van Agri SA, gesê.
“Die koste van die ramp kan R20 miljard bereik.”
André Venter, talentvolle musikant en sakeman, het by Agri SA se pogings aangesluit.
Hy is ’n voormalige lid van die sanggroep Romanz en was ook ’n aanbieder op die Kyknet program “Jam”.
André het ’n liedjie, “Ons vra U vir Reën” met ’n boodskap van hoop geskryf.
Die lied sal oor sosiale media met ’n versoek vir ’n R20-donasie per aflaai, vrygestel word.
Alle opbrengste sal aan die Droogte Ramp Fonds wat deur Agri SA bestuur, geskenk word.
Die lied kan gekoop en afgelaai word op jou slimfoon, tablet of rekenaar deur die MITracks.fm app ( www.mitracks.fm ).
MITracks.fm geskenkbewyse kan gekoop word vir die MITracks app (IOS & Android) by Pep Stores , Shoprite en Checkers-winkels landwyd.
Alternatief kan jy die app gebruik in samewerking met jou kredietkaart van die aankoop van die liedjie deur EFT.
Ons vra U vir Reën:
Die aarde roep uit haar moed is gebreek
Sy is reeds op haar knieë want die droogte word meer
Ons veld en ons vee is dor en verweer
Ons dors nou na water wat lewe kan gee
Koor:
Hou vas aan jou lande
Hou vas aan jou grond
Hou vas aan die heer se woord
Wat die uitkoms beloof
Kom ons vat tesaam hande
Kom ons kniel voor U neer
Heer ons vra uit ons harte
Ons vra U vir reen
Met trane en sweet kan die hoop nooit beskaam
Staan vas in geloof en bly glo daar is ’n kans
Jou lande sal groen word
Jou vee sal weer wei
Riviere sal oorloop
Want reën sal ons kry
Hou vas en bly glo
Kyk op na die hemel en kyk wat gebeur
Hou vas en bly glo
Kyk op na die Hemel
Die sluise gaan oopskeur
Koor:
Hou vas aan jou lande
Hou vas aan jou grond
Hou vas aan die heer se woord
Wat die uitkoms beloof
Vir meer nuus besoek gerus ons ander webblaaie.
Ridge Times, Standerton Advertiser & Highvelder
”Like” ons op Facebook en volg ons op Twitter.
Vir nuus na jou selfoon:
WhatsApp – 0793644185
