Twee broers, Johan en Frans Maritz, het op 6 April, saam elk hul 100ste eenheid bloed by die Secunda-tak van die Suid-Afrikaanse Nasionale Bloeddiens (SANBS) gaan skenk.

Dié twee het dus saam al 200 eenhede bloed geskenk.

Hulle volg in die voetspore van hul oorlede pa, ook Frans, wat in sy leeftyd meer as 100 eenhede bloed geskenk het.

Om bloed te skenk, is om lewe te gee.

Kankerpasiënte, slagoffers van ernstige ongelukke, swanger vroue wat komplikasies ondervind, vroeggebore babas, pasiënte wat groot operasies ondergaan en pasiënte met chroniese toestande soos bloedarmoede (anemia), moet gereeld bloedoortappings kry.

As jy bloed wil skenk, besoek die Secunda Bloeddiens in Horwoodstraat of skakel hulle by 017 631 1652.

Mense op Bethal kan die bloeddiens op Bethal besoek en Sasol het ook ’n tak waar mense bloed kan skenk.

ALSO READ: EFF councillor questions ‘missing’ R5m for destroyed offices in Kinross