Spoggerige graadeentjies begin hul skooljare by Hories

Vir duisende kleingoed regoor die land was Dinsdag, 11 Januarie die begin van hul skoolloopbaan.

Met min trane, en gewapen met boeke en inkleurpotlode het die nuwe graadeentjies hul eerste dag met groot entoesiasme aangepak. Die nuwelinge van Laerskool Horison was geen uitsondering nie toe hul met groot opgewondenheid verwelkom is.

“Ons het met trots op hierdie dag met ‘n nuwe tradisie begin. Die leerders het boonop spoggerig in hul nuwe skooldrag gelyk, en het menige ouerharte laat bars van trots,” het Laerskool Horison se Toeks Mans vertel.

“Ons is bevoorreg om hierdie jaar met so ‘n dinamiese span kinders te werk en om elkeen tot sy/ haar volle potensiaal te help ontwikkel.”