Motorhandelaar bederf seniors met ‘n dag van musiek, pret en geskenke
Afgetredenes ontvang klein geskenkpakkies nadat hulle na die sagte klanke van Matt Stern geluister het.
Moet nooit die bydrae van diegene vergeet wat nie meer met ons is nie.
So het Monument Toyota Constantia ‘n handjievol inwoners van verskeie aftreeoorde regoor Roodepoort en Krugersdorp met ‘n oggend van musikale waardering op 11 November, getrakteer. Die nou jaarlikse geleentheid, wat vir die derde keer aangebied is, se doel was om afgetredenes te herinner dat hulle steeds waardeer word en dat die gemeenskap hul lewenspogings waardeer.
Deur die tema ‘brugbouers’ te gebruik, het Monumnet Toyota Constantia-handelaarshoof, Johann Folscher verrigtinge geopen voordat pastoor Morné Jacobs en Ina Wilken gepraat het oor die identiteit wat met ouderdom geassosieer word, die vreugdes daarvan om volgens jou ouderdom op te tree, en die belangrikheid daarvan om ‘n pad vir die jeug te skep. Die jarelange gemeenskapsaktivis, Willie van der Scyff, het die jonger lede van die gehoor herinner om nooit die bydraes van die generasies wat voorheen gemaak is, te vergeet nie.
Die bejaarde mans en vroue was ook bederf deur die soet klanke van Matt Stern se stem. Die sanger het die skare getrakteer met melodieë van Elvis Presley en Gé Korsten terwyl hy die spasie tussen liedjies gevul het met innemende humor en interaktiewe stories.
Johann het sy inspirasie vir die dag as volg opgesom, “Die hoeveelheid wysheid wat hier sit is net ongelooflik. Dit is net ‘n dag waar ons kan teruggee, ‘n dag wat ons kan dankie sê”.
