‘Shrekkies’ word volwaardige Suidies

SUIDIES se ‘Shrekkies’ het hulself op ’n hoë noot as ware Suidies tydens die jaarlikse “Groentjiekonsert” ingeburger. Vanjaar se tema “Movie night @ Shrekkies” het vir ’n heerlike aand vol pret gesorg. Elke Shrekkie het elk tydens ’n seremonie hul skoolbaadjie en sertifikaart as ware Suidie ontvang.

HSN se sportspanne het die afgelope week aan verskeie wedstryde deelgeneem en baie goed gevaar. Die rugby en netbalspanne het hul aandreeks-wedstryde gewen en die hokkiespan het hul baie goed van hul taak gekwyt. Suidies se krieketspanne het al hulle wedstryde teen Scottburgh en Creston gewen en die swemspan het aan die Afrikaanse-skolegala deelgeneem en goed gevaar.