Springs skrik nie vir Boksburg
Springs het die tweede rondte van die Liga weer teen Boksburg gewen.
Springs Rugbyklub het in Saterdag se Valke Peregine Liga kragmeting teen Boksburg te staan gekom en ‘n goeie dag op die veld beleef.
Die wedstryde was op die Prince George Park velde in Boksburg gespeel waar net een van Springs se spanne die aftog moes blaas.
Springs se eerste span het 41-6 gewen.
Die punte was aangeteken deur: Cjay Strauss (1), PJ de Beer (1), Dean Wiehann (1), Rudolph Potgieter (1) en Dillon Smith (2). Skoppe: André Smith (3).
LEES OOK: Centre serves warm soup and spiritual comfort to the community
Springs se tweede span het selfs nog beter as die eerstes gevaar en het op hulle beurt met ‘n telling van 52-0 met Boksburg afgereken.
Springs se o21-span het 52-20 teen Boksburg se o21’s verloor.
Springs se wedstryde vir die res van die seisoen in die Peregrine Liga is soos volg:
• 10 Augustus: Loslootjie
• 17 Augustus teen Brakpan (tuis wedstryd).
