Geen tekort aan kreatiwiteit by die hoede kompetisie

Die Jesus is Lig Kerk in Eastvale het Saterdag ’n hoede kompetisie vir senior burgers aangebied.

Hierdie jaarlikse kompetisie het ‘n geliefde tradisie geword, met die oog daarop om die deelnemers se kreatiwiteit op die proef te stel en vir groot pret te sorg.

Die deelnemers het vrolik met hul kleurvolle hoede gepronk en wenners onder die vroue asook die mans is aangewys.

In die vroue afdeling was Maria Brits eerste, Marie Joubert (tweede) en Linda Potgieter (derde). In die mans afdeling was die wenners Marius Hartslief gevolg deur Piet Joubert (tweede) en Deon De Beer (derde).

Joan Venter en Chris Smith het ook pryse ontvang vir die senior burgers wat die beste met hul hoede geparadeer het.