Danser ryg medaljes in by Dance X-kompetisie

Esmari Conradie, ’n Graad Vier-leerder aan Laerskool Christiaan Beyers, het onlangs by die Dance X-kompetisie agt medaljes verower.

Hierdie prestasie het haar ’n plek besorg by die nasionale kompetisie wat in Oktober in Bloemfontein plaasvind.

Sy het goud gewen in groepdans vir cheerleading, disco, hip-hop en Bhangra. Silwer het sy verwerf in contemporary, open (Egipties) en lyrical, terwyl sy brons ontvang het vir jazz.

Esmari het ook in Mei aan die Oos-Rand Kunstefees deelgeneem, waar sy as graadwenner aangewys is vir ses danse: Hip-hop (89%); Energy (88%); Open Egipties (86%); Bhangra (86%); Jazz (85%); Lyrical (84%); Contemporary (86%).