Dewald van Deventer (37), ’n inwoner van Selection Park en sterkman, het op 3 November in Durban aan die “strict arm curl” en “freestanding curl” Wêreldkampioenskappe deelgeneem.

Hy het in die 82.5 kg mansafdeling deelgeneem, waar hy derde plek in die afdeling behaal het vir die “strict curl” en tweede plek vir die “freestanding curl”.

Dewald het voorheen reeds aan sterkman-kompetisies deelgeneem, maar het vanjaar vir die eerste keer die powerlifting verhoog betree nadat hy verlede jaar stente in sy hart moes kry.

Sy familie is baie trots op sy prestasie en hy hoop om volgende jaar weer volkome aan sport deel te neem. Die kompetisie, waaraan meer as 15 ander lande deelgeneem het, was beslis ’n platform vir groei vir Dewald.

ALSO READ: Springs Rugby Club Sevens tournament unites 16 teams in thrilling showdown