Springs Ringbalklub se dames A-span en mans A-span het tydens die onlangse Ekurhuleni-Oos Ringbal-liga wedstryde by Laerskool Jan van Riebeeck as oorwinnaars van die baan afgestap.

Die vrouespan, onder leiding van spanbestuurder Ansie van Tonder en kaptein Vallerie van Tonder, het teen Welgedag gewen met ’n telling van 48–32.

Die mans, met Seun Posthumus as spanbestuurder en Pietman Scheepers as kaptein, het Brakpan met ’n uitstekende telling van 87–17 geklop.

Beide spanne is onder die afrigting van hoofafrigter en klubvoorsitter Sus Louw.