Springs se VLU-tak, Carpe Diem, het 14 Oktober bymekaar gekom vir hul maandelikse vergadering, waar die vroue geleer het hoe om geskenke op te kikker vir Kersfees.

Die tak samel steeds toiletware in vir Epilepsy SA en is dringend op soek na enkelbedmatrasse vir die sentrum. Danksy ’n fondsinsamelingsfunksie wat op 19 September aangebied is, kon die tak ’n kontantskenking aan die sentrum oorhandig.

Ná afloop van die amptelike verrigtinge het die lede praktiese wenke ontvang oor die toedraai en versiering van geskenke. Die werkswinkel is deur Francisca de Wet aangebied, wat haar vaardighede en kreatiewe idees met die vroue gedeel het.