Steve Hofmeyr kom kuier in Springs

Aanhangers van Steve Hofmeyr kan Vrydagaand om 7nm ‘n vertoning van hom by die Stable Inn Konferensiesentrum bywoon.
Steve Hofmeyr se The Country Collection Volume 3 is beslis iets om na uit te sien en besprekings vir die konsert kan by iTickets gedoen word.
“Ek is nie eintlik ‘n country and western ou nie, maar eerder die country, folk-kunstenaar,” het Hofmeyr gesê.
“Suid-Afrikaanse mense het ‘n sagte plekkie vir countrymusiek. Country is die meer sentimentele genre, en ek dink ons is baie sentimentele en nostalgiese mense.”

Also read: Lefra bied Pieter Smith aan

The Country Collection Volume 3-album (en vertoning) is die laaste van ‘n trilogie country-albums, ‘n projek wat Steve drie jaar gelede begin het.
“Ek het ou Country-treffers geneem en dit gekombineer met nie-country-liedjies, wat ons ‘n lekker country-aanslag gegee het.”
As akteur, suksesvolle skrywer, televisiepersoonlikheid en dikwels omstrede sosialemedia-kommentator, het Hofmeyr nog altyd intens daarop gefokus om stories te vertel deur musiek wat aanklank vind by kultuurbewustes asook by diegene wat bloot die ritme van drie en ’n half minute se pret wil voel.

Also read: Broadway hits on Lefra’s Cellar Concerts

Danksy jare se ondervinding in die musiek- en vermaaklikheidsbedryf is sy stem vandag groter en beter as ooit.
“Ek kan letterlik hoër note bykom,” sê hy oor die omvang van sy stem.
“Ek het as ’n kroegsanger begin, maar geleer om myself darem tegnies te verbeter. En as ’n mens onder begin het, is daar immers nog baie geleenthede om mense te beïndruk,” grap hy.
Vir groepbesprekings en navrae, skakel Monica Booysen by 011 815-3000 of stuur ‘n e-pos aan admin@lefra.com

Follow us on social media: