Vroue hou leisels styf vas

Solidariteit Helpende Hand se beplanning vir die komende jaar is op die tafel.

Die organisasie het Donderdag 8 Maart vergader onder ’n nuutverkose bestuur.

Me. Annemarie van Heerden is deur hoofkantoor aangewys as die nuwe streeksverteenwoordiger.

Me Michelle Viljoen het haar posisie as takvoorsitter ingeneem en me. Bianca Snyman is die nuutverkose onder-voorsitter.

Me. Maryna Viljoen is gekies as sekretaresse en me. Sonja Bester as tesourier.

Die tak se kalender is reeds lekker propvol. Miss/Mr Royal Heartland, Kersfees in Julie en ’n gholfdag is maar van die projekte wat in die pyplyn is.