‘Blessings’ maak harte gelukkig

Charmaine Snyman is alombekend in eMalahleni vir haar omgeehart.

Sy het weereens die jaar met haar ‘blessings in a bottle’ harte opgekikker en het een van haar beste jare nog gehad.

Charmaine Snyman, Christa Kruger, Cherise Gouws, Retricia Jansen, Hannie Wolmarans, Charlene Barnes en Julius Snyman.

In 2015 het sy begin met 357 ‘blessings’, in 2016 het sy 457 ‘blessings’ uitgedeel, verlede jaar het sy 570 ‘blessings’ en vanjaar het sy ’n verstommende 780 ‘blessings’ uitgedeel.

Charlene Barnes en tannie Babs van Rooyen.

Hulle het op 5 Desember by die Moth Cottages uitgedeel, en ook by Huis Betsie Louw.

Liezl Oosthuizen en Magda Esterhuizen.

Op 6 Desember het inwoners van Edenpark hul ‘blessings’ ontvang en op Vrydag, 7 Desember by St Josephs in Middelburg. Sondag, 9 Desember het White Rose Hospice hul deel ontvang en hul laaste stop was Immergroen Ouetehuis op Maandag, 10 Desember.

Tannie Petro Marais van Immergroen Ouetehuis kon nie haar opgewondenheid inhou toe lekkernye uitgedeel is nie. Dit was op Maandag, 10 Desember toe die ‘blessings in a bottle’ hier uitgedeel is.

Die pakkies bestaan uit lekkergoed, badgoed, klein bederfies en enigiets wat ’n behoeftige persoon gaan nodig kry.

“Ek wil almal bedank vir hul bydrae, ek waardeer dit uit my hart,” het Charmaine ten slotte bygevoeg.