Die veiligheid van veral jou kind is genoeg om slapelose nagte te verseker vir enige ouer.

Rowers het ʼn nuwe manier om skoolkinders wat huis toe loop of oppad is skool toe, te teiken.

Dit is wat onlangs met twee leerders gebeur het.

Jacobus Jordaan, ʼn 13-jarige leerling van WH de Klerk Skool, was oppad huis toe na ʼn lang dag by die skool toe hy voorgekeer is deur ʼn vreemde vrou naby die OK/Panorama-sentrum. “Sy het ʼn blou rok aangehad met ʼn swart handsak en vir my gesê sy wag vir haar seun.”

Volgens Jacobus het sy hardhandig geraak met hom en hom op die voorarm geklap. “Sy het na my toe gestap gekom en vir my gesê ek moet haar ‘laptop’ by haar ‘boyfriend’ gaan haal, toe sê ek nee, want ek moet my vervoer kry. Sy wou my aanval. Sy het na my geklap, ek het gekoes en sy het my voorarm raakgeklap. Dit is toe dat sy my foon vat. Sy het vir my gesê ek moet die ‘laptop’ gaan haal of ek kry nie my foon terug nie.

Jacobus het verduidelik dat hy instruksies gekry het van die vreemde vrou dat dit net twee strate af is, ʼn hoekhuis waar haar skootrekenaar vermoedlik was.

Deel jou nuusbrokkies met ons Telefoon: 013 656 2490 Epos: info@witbanknews.co.za Of volg ons op sosiale media platforms Instagram Twitter Witbank News App Facebook page Witbank News Breaking