Die drie Njalas wat eMalahleni Dinsdag op hol gehad is, is gevind.
Piet Wassenaar, wat saam met die Mpumalanga Parkeraad werk het gesê die bokke was vroeër die week in Nitastraat opgemerk.
Inwoners het Dinsdag 12 November video’s en foto’s geneem en opgewonde op sosiale media gedeel.
Almal het na Nitastraat toe gejaag, maar die bokke was skoonveld.
@witbanknews #WitbankNews #Witbank #emalahleni #Njala #staptog #wildlewe #bewaring ♬ original sound – witbanknews
Hulle is vanoggend in Die Heuwel gekry.
“’n Man het op die Zello-kanaal ingeroep en gesê die bokke is naby Gordonstraat. Die bokke was in ’n gangetjie tussen twee geboue,” het Piet gesê.
’n Plaaslike veearts, dr. Nolan Landman het die bokke ondersoek, die groen lig gegee en hulle is na ’n veilig plek van bewaring geneem tot hulle opgeëis word.
Piet bedank Landman asook Dick Jacobs van Vikela wat die sleepwa gestuur het om die bokke op te laai.
Het jy foto’s van die bokke geneem, deel dit gerus met ons.
Stuur vir ons ’n epos na info@witbanknews.co.za of bel ons by 013 656 2490
- Vir meer brekende- en gemeenskapsnuus, besoek gerus ons webtuiste.
- Jy kan ons ook volg op sosiale media platforms: Facebook, Twitter, Instagram of TikTok
HET JY GEWEET?
Kliek op die woorde wat in kleur uitgelig is om meer te lees oor verwante temas.
