Twee van die vier mans wat verdink word van moord in Baberton  is vanoggend in eMalahleni gearresteer.

Een van die mans is deur die polisie gewond in ‘n oor en weer skietery en die ander in uit die Olifantsrivier gehaal waar hy probeer wegkruip het.

Wayne Hattingh van Fidelity Compliance het gesê hy was op pad werk toe, toe hy sien van sy kollegas jaag ‘n voertuig met SAPS kort op hulle hakke.

By die draai net na die Wolvekransbrug rigting eMalahleni het die bestuurder van die voertuig beheer verloor en is die veld in.

Die mans het uitgespring en die veld ingehardloop.

Die sekuriteitsoffissiere van Fidelity Sekuriteit en SAPS het hulle agterna gesit waarop die mans begin skiet het. Die polisie het teruggeskiet en een in die proses gewond.

Hoëveldpark se buurtwag voorsitter, Frik van Dyk en Hattingh is die tweede man agterna.

Van Dyk het in die rivier ingegaan en die man in riete gekry.

WITBANK NUUS wag nog op kommentaar van die polisie af.

Nuus wat saak maak … volg ons op  website, Facebook, Twitter,  Instagram of TikTok

Gesels met ons info@witbanknews.co.za