Die krokodil wat sy lippe aflek vir lammertjies, veilig in Loskop losgelaat
Dié kalant het ’n lammer in die area gevang en lekker daaraan gesmul.
’n Krokodil wat doodluiters in ’n grondpad in die Leeuwpoort-area afgestap het, is ‘gearresteer’.
Dié kalant word daarvan verdink dat hy ’n lammertjie in die omgewing gegaps en gevreet het.
Piet Wassenaar se sekuriteit-offisiere van Presidio sekuriteitsfirma was op patrollie en het die swernoot op 11 April in die vroeë oggendure opgemerk.
Piet, wie ’n permit van die Mpumalanga Toerisme en Parke Agentskap het om probleemdiere te verwyder, het gesê hy is al ’n maand lank op die krokodil se spoor.
“Die kalant gaan in Loskop losgelaat word,” het Piet gesê.
Hierdie is nie die eerste krokodil wat Piet gevang het nie.
In 2020 het hy ’n krokodil in die Zaaihoek area gevang en in 2023 een in ’n dam naby Siyanqoba.
Nuus wat saak maak … Volg WITBANK NUUS op ons webtuiste, Facebook, Twitter, Instagram of TikTok
Gesels met ons: info@witbanknews.co.za
