’n Vrou het vanmiddag in die eMalahleni-landdroshof op aanklag van diefstal verskyn.

Ezné Venter (30) word daarvan beskuldig dat sy na bewering vanaf 2021 meer as R36 miljoen van haar werkgewer gesteel het, waar sy 10 jaar lank in diens was.

Sy het haarself verlede week aan die polisie oorgegee.

Landdros Rametse Matlakala het Venter se borgtogaansoek toegestaan.

Hy het dit op R20 000 vasgestel omdat sy tans geen inkomste het nie.

Die beskuldigde moet haar paspoort by die ondersoekbeampte inhandig.

Sy mag nie die Nkangala-distrik verlaat sonder die toestemming van die ondersoekbeampte nie en sy moet Maandae, Woensdae en Vrydae tussen 07:00 en 17:00 by die Witbank-polisiekantoor aanmeld.

Haar regsverteenwoordiger het gevra om anoniem te bly en ook gesê hy het geen kommentaar nie.

Advokaat Vusi Vuma het namens die staat opgetree.

Jou stad, jou storie soos dit gebeur. Bly op hoogte met die jongste nuus met WITBANK NUUS,

Volg ons op  website, Facebook, X,  Instagram or TikTok

Epos: info@witbanknews.co.za