Kom hardloop vir Brandon
’n Pretloop word gehou om fondse in te samel vir 19-jarige wat 59 dae terug in ’n ernstige motorbotsing was.
Brandon Joubert (19) is na ’n rehabilitasiesentrum in Midstream oorgeplaas, 59 dae sedert hy in ’n motorbotsing beseer is.
Lees meer Gebede gevra ná dokters bevestig 19-jarige het breinbesering opgedoen
Volgens sy ma, Lizelle Joubert, het hy baie pyn gehad toe sy bene en voete beweeg is.
“Brandon is baie rustig,” het sy gesê.
Brandon se operasie was ’n sukses
— WitbankNews (@WitbankN) September 15, 2026
Lees meer hier: https://t.co/sNAV75u4rQ
Sy het ook dié inskrywing op haar Facebook-blad geplaas: “Here, dankie vir elke persoon wat aanhou om vir Brandon te bid. Dankie vir elke gebed, elke boodskap, elke woord van bemoediging en elke persoon wat ons en Brandon op sy of haar hart dra. Here, seën asseblief hulle en hulle gesinne. Mag U u hand oor elkeen hou en hulle beskerm, versterk en dra.”
Pretloop vir rehabilitasie
Môreaand word daar ’n pretloop gehou om fondse vir Brandon se rehabilitasie in te samel. Dit begin om 18:30 by New Life Church. Registrasie kos R50.
Daar sal warmbrakke te koop wees, deelnemers sal medaljes ontvang en ’n skenkingsboks sal beskikbaar wees.
Jou stad, jou storie soos dit gebeur. Bly op hoogte met die jongste nuus met WITBANK NUUS,
Volg ons op website, Facebook, X, Instagram or TikTok
Epos: info@witbanknews.co.za
