Country Village se likkewaan het ’n nuwe huis gekry
Die likkewaan gaan na Doornpoortdam geneem word waar daar gehoop word hy gaan gou tuis voel.
Die reuselikkewaan wat inwoners van Country Village Estate gister op hol gehad het, is vanmiddag gevang.
Die kuiergas het inwoners in Gordonstraat verras. Die vermoede bestaan dat die reptiel afkomstig was van die nabygeleë spruit wat deur die omgewing kronkel.
Toe die ontvangs nie al te gul was nie, het hy in ’n pyp weggekruip.
Piet Wassenaar, wat nou saam met die Mpumalanga Toerisme- en Parke-agentskap werk, het ’n strik gestel en die likkewaan is vanmiddag gevang.
“Die outjie is gesond en baie sterk,” het Wassenaar gesê.
Hy het gesê die likkewaan gaan by Doornpoortdam losgelaat word.
Lees gister se berig Likkewaan laat inwoners van Country Village Estate skarrel
Jou stad, jou storie soos dit gebeur. Bly op hoogte met die jongste nuus met WITBANK NUUS,
Volg ons op website, Facebook, X, Instagram or TikTok
Epos: info@witbanknews.co.za
