Die hartverskeurende nuus van Lukie du Toit se afsterwe het soos ’n skokgolf deur eMalahleni getrek.
Lukie is vanoggend in Witbank Hospitaal oorlede.

Die ink op sy ma, Tienie du Toit, se smeekgebede om te help om geld in te samel om Lukie na Life Kosmos Hospitaal oor te plaas vir behandeling nadat hy geval het, is nog nie eers droog toe die boodskap ontvang is nie.

Tyd het die smeekgebede ingehaal.
Die gehoorgestremde Lukie, het sy balans verloor en geval, wat tot ernstige bloeding op die brein gelei het.

“Lukie het van erge hoofpyne gekla en ek het gedink dis griep of sinus. Toe ek hom in die vroeë oggendure op die kombuisvloer aantref, het ek hom kamer toe gedra,” vertel Tienie.

Lukie is aanvanklik na die Impungwe-hospitaal geneem waar daar vermoed is dat hy breinvliesontsteking het.

Lees meer hier:‘Help my seun asseblief,’ smeek ma

Ma veg teen tyd om haar seun se lewe te redhttps://t.co/vgcWiXKqQr #witbanknews #LukieDuToit #lewe #backnbuddy #noodroep pic.twitter.com/CghXYQHFAm

— WitbankNews (@WitbankN) March 25, 2026

Hy het egter op 22 Februarie in ’n koma verval. ’n Breinskandering het later getoon dat daar bloeding op die brein is, waarna hy op 26 Februarie na die Witbank-hospitaal oorgeplaas is vir ’n noodoperasie om die bloeding te dreineer.

Die presiese oorsaak van dood is nog nie bekend gemaak nie.

Jou stad, jou storie soos dit gebeur. Bly op hoogte met die jongste nuus met WITBANK NUUS,

Volg ons op  website, Facebook, X,  Instagram or TikTok

Epos: info@witbanknews.co.za