Jong losskakel kort hupstoot vir o13-toer na Frankryk
Jong losskakel kort hupstoot vir o13-toer na Frankryk
Die 12-jarige rugbyspeler van Laerskool Onverwacht, Jordan Prinsloo, is opgeneem in die Bateleur o13-span en hulle gaan in Frankryk toer.
Dié span gaan vanaf 29 November tot 9 Desember Nice, Turyn, Lyon en Parys besoek om kragte te meet teen die Franse.
Hulle gaan ook ’n rugby kliniek bywoon. Jordan het R70 000 nodig om die toer mee te maak.
Dit sluit vlugte, verblyf, etes, spanklere en toergelde in.
“Ek is ongelooflik trots om aangekondig te word as deel van die Bateleur rugbyspan.
Hierdie toer is ’n groot eer en ’n droom wat bewaarheid word. Ek is opgewonde om nuwe vaardighede aan te leer en teen internasionale spanne te speel,” het die spoedvraat gesê.
Elke donasie bring die jong rugbyster nader aan sy rugbydroom.
Daar is ’n BackABuddy skarebefondsing gestig en as jy daarop kliek, kan jy Jordan ’n tree nader aan die Franse-toer bring.
Kliek hier: https://www.backabuddy.co.za/campaign/jordan-prinsloo-rugby-tour-to-france
Jou stad, jou storie soos dit gebeur. Bly op hoogte met die jongste nuus met WITBANK NUUS,
Volg ons op website, Facebook, X, Instagram or TikTok
Epos: info@witbanknews.co.za
