Nuut opgeleide beraders beloon
Tydens die naweek van 23 Oktober is die praktiese naweek plaaslik aangebied en ‘n groep nuut opgeleide beraders is beloon met ‘n sertifikaat wat deur baie bloedsweet verkry is.
Die jaarlikse opleiding van beraders by Ligstad was in 2020 so uniek soos die jaar 2020.
Die 10-weke opleiding is in Maart 2020 teen week agt tot ’n stilstand gebring saam met die hele land en wêreld toe die pandemie tot die aankondiging van die grendeltyd gelei het.
Die praktiese naweek in Bela Bela is gekanselleer en daar is in Junie met die kursus voortgegaan sover die elektroniese formate tot Ligstad se beskikking was en die vlakke van die grendeltyd dit toegelaat het.
Tydens die naweek van 23 Oktober is die praktiese naweek plaaslik aangebied en ’n groep nuut opgeleide beraders is beloon met ’n sertifikaat wat deur baie bloedsweet verkry is.
Tydens die afsluitingsgeleentheid by De Landauer Kothuis Restaurant is die sertifikate aan die beraders oorhandig.
Ligstad sien in afwagting daarna uit om die gemeenskap van Alberton te bly bedien met beradingsdienste en verwelkom die nuwe beraders as deel van die beradingspan.
