Lede van Dinwiddie se Vroue Landbou-Unie (VLU) tak het dit goedgedink om vir al die werkers van die Netcare Unie en Netcare Clinton hospitale te bederf met tuisgemaakte beskuit.
Die vroue het op 5 Maart bymekaar gekom om die beskuit aan die verskeie personeellede van die twee hospitale te oorhandig.
“Ons het net gevoel dat hulle baie hard werk en onder geweldige druk is. Dié was ons manier om vir hulle dankie te sê,” het VLU-voorsitter, Magriet van der Walt, gesê.
Daar was ‘n pakkie vir elke werker van die hospitale.
Beide personeellede van die verskeie hospitale het die groep vroue vir hulle donasies bedank.
At Caxton, we employ humans to generate daily fresh news, not AI intervention. Happy reading!
