Hoërskool Oosterlig het hierdie jaar, te midde van uitdagende omstandighede, steeds gewoeker en vir die heel eerste keer aan die FAK se Internasionale Afrikaans-Ekspo deelgeneem.
Die ekspo is ‘n prestige skryf- en kreatiewe kunskompetisie wat fokus op leerders en studente se kreatiewe hantering van Afrikaans. Hierdie jaar se tema was #boeke, en onder leiding van die Afrikaanse departement het die Oosies nie teruggestaan nie.
Leerders kon deelneem aan verskeie kategorieë, onder andere Dagboekinskrywings, Kortverhale, Resensies, Poësie, Opstelle asook Teken- en Skilderkuns.
Skole landswyd kompeteer om uit te blink in hul moedertaal.
Leerders én studente van regoor die wêreld kan aan hierdie kompetisie deelneem. Inskrywings is volgens uiters streng kriteria deur ‘n paneel kundiges en baanbrekers beoordeel. Soos gewoonlik het Oosterlig gewys waar Dawid die wortels gegrawe het en het skitterende uitslae ontvang. Uit 61 inskrywings, spog Oosterlig met 19 A’s (80-100%) en 28 B’s (70-79%).
Lees Ook: Oosterlig lewer nasionale skut op
Lees Ook: Oosterlig se nuwe hoofleiers is gereed om die leisels oor te neem
