Kommando leer oor kamp en staptogte tydens uitstappie
Susan Badenhorst Voortrekkerkommando het op 23 Mei besoek afgelê by Boksburg Outdoor Warehouse en meer geleer oor kampgeleenthede en staptogte.
Kommandoleier Gerhard Marais het die geleentheid, bygewoon deur 44 lede, as ‘n sukses beskryf.
“Nadat Lourens Gouws, verkoopsassistent van Outdoor Warehouse, die jeuglede vertel het van die verskillende behoeftes vir verskillende kampgeleenthede en staptogte het hulle geleentheid gehad om inkopies te doen vir n vier-dag staproete.
“Die jeuglede het baie gou agter gekom hoe belangrik dit is om reg te pak toe hulle met oorvol rugsakke en tasse teen die trappe moes op en af,” het hy verduidelik.
Volgens Marais het die jeuglede die uitstappie baie geniet en ook baie geleer.
Die kommando kom elke Maandagmiddag tussen 17:15 en 18:15 te NG Kerk Witfield, Lowther Straat 65 bymekaar. Alle kinders van Graad R tot Graad Sewe en hoërskoolleerders word uitgenooi om betrokke te raak.
Die beweging bied ook uitstekende geleenthede vir werkende volwassenes en ouers in die gemeenskap om betrokke te raak.
Vir meer inligting, stuur ‘n Whatsapp boodskap aan die kommando by 083 293 1107.
Lees Ook: Susan Badenhorst Voortrekkerkommando toon groei tydens inlywingsfunksie
Lees Ook: FTC Modderfontein beïndruk Susan Badenhorst Voortrekkers
