Laat die water spat

Swemgroepe van 42 lande, wêreldwyd, gaan op dié dag vir drie ure aanmekaar aqua aerobiese oefeninge uitvoer.

Die Gautengstreek word deur Brakpan verteenwoordig en die swemsessie sal te Vredestraat 18, Dalview, plaasvind.

Drie verskillende instrukteurs sal vir drie ure sorg dat deelnemers aan die gang bly.

“Dit sal nie nodig wees vir almal om drie ure aanmekaar te oefen nie. Mense wat net kans sien om ‘n rukkie te oefen sal ook geakkomodeer word,” het die organiseerder, Arauna Bezuidenhout, gesê.

‘n Inskryingsfooi sal gehef word en belangstellendes moet vooraf plek bespreek deur vir Bezuidenhout by 072 493 3283 te skakel.