Die organisasie verrig deur die loop van die jaar opheffingswerk onder minderbevoorregtes en bedien daagliks etes aan meer as 100 mense.

Volgende Vrydag (19 Desember) sluit dié organisasie en sal die deure eers weer vroeg in Januarie open.

Gedurende hiérdie tyd is daar baie mense wat nie die daaglikse bord kos, wat dikwels ook hul enigste bord kos is, sal ontvang nie.

In ‘n poging om die nood te verlig word daar ekstra nie-bederfbare kos aan die behoeftiges uitgedeel voordat die organisasie  toemaak.

“Ons is baie dankbaar vir elke liewe skenking wat ons deur die loop van die jaar gekry het asook vir die vrywilligers wat ons gehelp het,” het Mouna Loubcher, hulp maatskaplike werker gesê.

Sy het ook ‘n beroep op die publiek en besighede gedoen om die Ondersteuningsraad in hul laaste poging vir die jaar te help.

“Enige skenking van nie-bederfbare  voedsel asook toiletbenodighede sal baie welkom wees, het Loubcher gesê.

Die Ondersteuningsraad kan gekontak word by 011 740-9310.